fbpx

ჩვენ შესახებ

PLATFORMA.GE არის საინიციატივო გაერთიანება, რომელიც შეიქმნა 2018 წელს, სხვადასხვა გამოცდილების მქონე აქტივისტების, აკადემიის სტუდენტებისა და ახალგაზრდა მკვლევარების ინიციატივით და წარმოადგენს კრიტიკულ პლატფორმას, რომლის მთავარი მიზანია თავისუფალი, თანასწორი, სამართლიანი და სოლიდარული საზოგადოების განვითარების ხელშეწყობა; პლატფორმის ამოცანაა ალტერნატიული ცოდნების, თვალსაზრისებისა და ხედვების შემუშავება, რომლებიც ცენტრსა და რეგიონებში ხელს შეუწყობს სოციალური ცვლილებებისთვის ბრძოლის ახლებურად გააზრებას.

ჩვენი პლატფორმის მიზანია, რაც შეიძლება მეტ ადამიანამდე მივიტანოთ და გავუზიაროთ ერთმანეთს ჩვენი ხედვები და გამოცდილებები სხვადასხვა სოციალური საკითხების მიმართ და ამ გზით, შევქმნათ კრიტიკული ქსელი, რომელიც ხელს შეუწყობს მოქალაქეთა მაქსიმალური ჩართულობის უზრუნველყოფას თანამონაწილეობითი გადაწყვეტილებების მიღების პროცესში;

ვმუშაობთ შემდეგი მიმართულებებით:

კრიტიკული აკადემია და განათლების პოლიტიკა: არსებული სოციალური წესრიგი და გაბატონებული იდეოლოგიური სტრუქტურები ავიწროებს თავისუფალ სააზროვნო სივრცეს. უნივერსიტეტებსა თუ სასკოლო დაწესებულებებში არ მიმდინარეობს კრიტიკული ცოდნების წარმოება და გააზრება, რაც ხელს უშლის თავისუფალი სააზროვნო სივრცის ჩამოყალიბებას და შესაბამისად, სააზროვნო ველში არ მიმდინარეობს საზოგადოებაში არსებული სოციალური, პოლიტიკური და ეკონომიკური პროცესების კრიტიკულად გააზრება და შეფასება. ამასთან, სხვადასხვა აქტორების მიერ შემოთავაზებული ალტერნატიული თუ არაფორმალური განათლების ფორმები ძირითადად ერთჯერად ხასიათს ატარებს და არათანმიმდევრულია. სერვისების მიწოდებაზე ორიენტირებული ფორმალური თუ არაფორმალური საგანმანათლებლო პოლიტიკა/პრაქტიკა მთლიანობაში ვერ ცვლის არსებულ მდგომარეობას და პირიქით, აძლიერებს მას. მიგვაჩნია, რომ არსებული პრობლემა სტრუქტურულია და მას პოლიტიკის დონეზე ღრმა და სისტემატური კვლევა და ადვოკატირება ესაჭიროება, რაც პლატფორმის ძირითად მიმართულებად განიხილება.  ასევე, პლატფორმა იმუშავებს განათლების კონცეფციის, ფილოსოფიის, ისტორიისა თუ პრაქტიკების ანალიზსა და კრიტიკულ მიმოხილვაზე;

თუ თვლით, რომ შეგიძლიათ თქვენი კონტრიბუცია შემოიტანოთ პლატფორმის განვითარებაში, მოგვწერეთ ელექტრონულ ფოსტაზე: info@platforma.ge;  ჩვენ გვჯერა თქვენი მხარდაჭერის! ან დარეგისტრირდით პლატფორმის წევრად შემდეგ მისამართზე: რეგისტრაცია

დამატებითი შეკითხვებისთვის მოგვწერეთ: info@platforma.ge;

ჩვენი Facebook გვერდი