fbpx

ჩვენ შესახებ

PLATFORMA.GE შეიქმნა 2018 წელს, სხვადასხვა გამოცდილების მქონე აქტივისტების, აკადემიის სტუდენტებისა და ახალგაზრდა მკვლევარების ინიციატივით და წარმოადგენს კრიტიკულ პლატფორმას, რომლის მთავარი მიზანია თავისუფალი, თანასწორი, სამართლიანი და სოლიდარული საზოგადოების განვითარების ხელშეწყობა; პლატფორმის ამოცანაა ალტერნატიული ცოდნების, თვალსაზრისებისა და ხედვების შემუშავება, რომლებიც ცენტრსა და რეგიონებში ხელს შეუწყობს სოციალური ცვლილებებისთვის ბრძოლის ახლებურად გააზრებას.

ჩვენი პლატფორმის მიზანია, რაც შეიძლება მეტ ადამიანამდე მივიტანოთ და გავუზიაროთ ერთმანეთს ჩვენი ხედვები და გამოცდილებები სხვადასხვა სოციალური საკითხების მიმართ და ამ გზით, შევქმნათ კრიტიკული ქსელი, რომელიც ხელს შეუწყობს მოქალაქეთა მაქსიმალური ჩართულობის უზრუნველყოფას თანამონაწილეობითი გადაწყვეტილებების მიღების პროცესში;

პლატფორმა თანამშრომლობს საქართველოს რეგიონებში არსებულ სხვადასხვა სახელმწიფო უნივერსიტეტებთან და მიმდინარე პროექტებს მათთან თანამშრომლობით ახორციელებს.

პლატფორმა მუშაობს შემდეგი მიმართულებებით:

🔷 სადისკუსიო პლატფორმა – საზოგადოებაში მიმდინარე სოციალურ და პოლიტიკურ თემებზე მსჯელობა საჯარო სივრცის გვერდის ავლით არ უნდა ხდებოდეს, მნიშვნელოვანია ისეთი ღია სივრცის კონტრუირება, სადაც არ წარმოიშვება ამ სივრცეების ინდოქტრინაციისა და ოკუპირების რისკები, საჯარო სივრცე პირველ რიგში მოითხოვს ინკლუზიურობას, რომ არც ერთი ჯგუფი და მხარე არ განიდევნის ამ სივრცეებიდან. დამატებითი ინფორმაცია

🔷 კრიტიკული აკადემია – ჩვენი მიზანია შევქმნათ სააზროვნო სივრცე, რომელიც დაეფუძნება შემდეგ ფუნდამენტურ პრინციპებს: თანმიმდევრული ცოდნის წარმოებას, მასზე საყოველთაო ხელმისაწვდომობასა და მუდმივობას დროისა და სივრცის მიუხედავად. ამ მიზნით, PLATFORMA.GE შემოგთავაზებთ სხვადასხვა კურსებს, რომელიც ონლაინ სასწავლო პლატფორმის MOODLE-ის სისტემით იქნება ხელმისაწვდომი. დამატებითი ინფორმაცია

🔷 მულტიმედია პლატფორმა (გვერდი დამუშავების პროცესშია)

თუ თვლით, რომ შეგიძლიათ თქვენი კონტრიბუცია შემოიტანოთ პლატფორმის განვითარებაში, მოგვწერეთ ელექტრონულ ფოსტაზე: info@platforma.ge;  ჩვენ გვჯერა თქვენი მხარდაჭერის! 

დამატებითი შეკითხვებისთვის მოგვწერეთ: info@platforma.ge;

ჩვენი Facebook გვერდი